Мәдениет

САХНА САРДАРЫ

Қазақ КСР-інің еңбек сіңірген әртісі, сахна шебері
Құрманғали Ысқақұлы Доғалақовтың туғанына – 100 жыл

Махамбет атындағы облыстық қазақ драма театрының өзіндік тарихы бар. Театрдың алғашқы драма үйірмесі түрлі клубтардағы талантты өнерпаздардан құралған болатын. Қалалық наубайхана жұмысшысы Қапар Қожахметов ұйымдастырған алғашқы үйірменің құрамында Қуат Төлеков пен Құрманғали Доғалақов өнер көрсеткен.

Читать далее »

АУЫЛ МЕКТЕБІНІҢ АТЫ ШЫҚТЫ

Мәдениет пен өнер саласындағы еңбектері еленіп, Қайыршақты балалар саз мектебі Халықаралық деңгейде марапаттауға қол жеткізді. Бұл ұйымшыл ұжымның бірлесіп жеткен жеңісі десек, артық болмас. Жақында Қазақстан, Ресей, Украина, Беларусь елдерінің үздік музыка мектептерінің әртүрлі рейтингілік көрсеткіштерін саралаған шарада жүлдеге қол жеткізген жүлдегерлер сапында Атырау қаласының Қайыршақты балалар саз мектебінің аты аталды.

Читать далее »

«АҚ КӨЙЛЕК, ҚЫЗЫЛ КАМЗОЛ-АЙ…»

Ресейдің Астрахан қаласында өткен халықаралық «Көп ұлтты Астрахан» фестиваліне Қазақстанның атынан қатысқан Атырау облыстық халық шығармашылығы орталығының «Ақ ерке – Жайық» халықтық фольклорлық-этнографиялық ансамблі өнер көрсетіп, ерекше дипломмен марапатталды. Ал, халықаралық «Этностиль» ұлттық киімдер фестивалінде өнер ұжымы ең жоғары марапат лауреат атағын иеленді.

Читать далее »

САҒЫНЫШҚА АЙНАЛҒАН ӘУЕНДЕР

Тәуелсіздік мерекесі қарсаңында Атырауда «Шалқиды ән - 2013» атты ретро-фестиваль өтті. Бұл жолғы думан қатысушылардың 70-80 жылдардағы әйгілі әндерін вокалды-аспаптық ансамбльде жанды дауыста орындауымен ерекшеленді.

Читать далее »

Елемес МАҒАЗОВ: «ТЫҢДАРМАНЫ БАР ҰЛТТЫҚ ӨНЕР СҰРАУСЫЗ ҚАЛМАЙДЫ»

Батыстың дәстүрлі ән мектебі, соның ішінде Мұхит, Ғарифолла мақамдарының ізін жалғап жүрген атыраулық әнші-сазгер, ҚР Мәдениет қайраткері, республикалық сал-серілер байқауының лауреаты Елемес Мағазовтың шығармашылық кеші облыстық Махамбет атындағы қазақ драма театрында өтті.
Алпысқа тарта әннің авторы атанған сазгердің осы кеште жиырмаға тарта әні орындалды. Қайсарлыққа, кейде нәзік лирикаға толы, енді бірде әзіл-оспаққа құрылған әндерінің шығу тарихы кімді де болсын қызықтырғандай. Шығармашылық кештен соң әндерінің шығу тарихы, өнер туралы әнші-сазгердің өзімен тілдескен едік.

Читать далее »

ОН САУСАҒЫНАН ӨНЕР ТӨККЕНДЕР

Облыстық халық шығармашылығы орталығы «Халық өнері – асыл қазына» атты облыс көлеміндегі қолөнер шеберлерінің басын қосып, түрлі аталымдар бойынша байқау ұйымдастырды.

Байқау қатынасушыларының жасына шектеу қойылмаған. Сол себепті жас та, жасамыс та осы жерден табылып, өз өнерін паш етті. Махамбет ауданынан келген Райхан Қабдыкаримованың жасы 66-да. Дәстүрлі текемет теру мен сырмақтың дайындалу әдісін көрсеткен шебер өмірлік мол тәжірибесімен бөлісті. «Бір кездері осы өнерім біздің отбасын толықтай асырады, жеке кәсібімді аштым. Алайда, қазір барлығын сатып алуға болатын заман жеткен шақта, мал шаруашылығына ден қойдым. Бұл қазір қолым қалт еткендегі ермегім болып қалды.

Читать далее »

АУЫЛҒА РУХАНИ НҰР ТӨККЕН

«Алға» халық театрының құрылғанына – 40 жыл
Алпысыншы жылдардың басында облысымыздың әр ауылында халықтық театрлар құрыла бастағанын аға буын ұмытпаған шығар. Бүгінде сол театрлардың бар екенін көпшілік білмейтіні де анық. Қырық жыл бойы қоғамдық негізде жұмыс жасаған театрлардың әлі де жоғалмай, сол күйінде сақталып жұмыс жасап келетініне таңдануға болады. Солардың бірі кезінде бүкілодақтық байқаудың лауреаты атанып, кеңес үкіметі елдері театрлары қатарынан суырылып алға шыққан «Алға» театры еді.

Читать далее »

ТАҒЫЛЫМЫ МОЛ БАСҚОСУ

Облыстық қарттар мен мүгедектердің интернат үйінде Тұңғыш Президент күні мен Тәуелсіздік күніне орай шара өтті. Интернат қызметкері Ханнат Төлесінова Елбасы және Қазақ елі тәуелсіздігі туралы әсерлі әңгіме айтты.
Дина Нұрпейісова атындағы академиялық қазақ халық аспаптар оркестрінің мүшелері Құрманғазының «Балбырауын», «Адай» күйлерін тамылжыта шертсе, әнші Айнаш Забихова Ғ.Құрманғалиевтің «Әнші даусы», Нартайдың «Сырнайлым», Сүгірдің «Әпитөк» әндерін нақышына келтіре орындап берді.
Тасқала селосының Тауман Амандосов атындағы орта мектеп директоры Мүслима Базарбаева оқушыларды бастап келіп, олардың өнерін тамашалатса, қала тұрғыны Сәуле Қайыржанова өз атынан мерекелік дастархан мәзірін тарту етті. Осылайша аталып өткен Тұңғыш Президент күнін әрбір қарт естерінде ұзақ сақтайтын болады. Ал, 85 жастағы Рахметолла Ізтелеуов қария көтеріңкі көңіл сыйлаған жанның баршасына үлкендер атынан ақ батасын берді.

Читать далее »

«КӨРІНГЕН СОНАДАЙДАН НАРЫН ЕДІ…»

Атырауда Мекес Төрешов атындағы II аймақтық дәстүрлі әнші-термешілер байқауы өтуде
Кеше Атырауда ҚР еңбек сіңірген әртісі, «Құрмет» орденінің иегері Мекес Төрешов атындағы «Көрінген сонадайдан Нарын еді...» атты II дәстүрлі әнші-термешілердің аймақтық байқауы басталды.

Читать далее »