Бұл туралы аудан әкімі Абат Жанғалиев мәлімдеді.
-Фестиваль арқылы аудан табиғатын республикаға және әлемге танытып, туристер тартуға болады. Жиырма күнге жоспарланатын «Лотос фестиваліне» келушілерге толық жағдай жасап, киіз үйлер, жатын орындар, тамағы, ойын-сауық, трансфер секілді бүкіл қажеттіліктер тас-түйін дайындалады. Өнерпаздар мен суретшілер тартылады. Жалпы, қазіргі көктемгі су тасқынын алдын алып, толық жағдай реттелген соң, «Лотос фетиваліне» дайындықты бастаймыз. Бұл – өңірімізде бұрын-соңды болмаған іс-шара. Туризм саласына үлкен серпін береді деп сенемін, – деді Абат Жанғалиев.
Айта кетейік, Құрманғазы ауданы жүзарал суларымен, тамаша табиғатымен көпшілікке белгілі. Әсіресе, ауданда өсетін Лотос гүлдері – әлемде сирек кездесетін өсімдіктің түрі. Мұнда Лотос гүлдері шілде айының екінші онкүндігінен бастап тамыз айының ортасына дейін гүлдейді. Осы кезде ерекше гүлдерді тамашалауға өңірге келушер қарасы көбейеді.
