Атырау облысы денсаулық сақтау басқармасының басшысы Абдуалиев Қайсар Қайратұлы бастап апарған облыстық бейінді мамандар бригадасының құрамында акушер-гинеколог, невропатолог, дермотолог, ЛОР, гастроэнтиролог, аллерголог, педиатр мамандары бар, деп хабарлайды Құрманғазы ауданы әкімінің баспасөз қызметі.
Азғыр өңіріне іссапар аясында дәрігерлік бригада Үштаған , Асан, Балқұдық, Сүйіндік ауылдарын аралап, медициналық кеңес береді.
Облыстың бас дәрігері бастаған топты Үштаған және Асан ауылына аудан әкімінің орынбасары Марат Хасанов бастап барды.
Үштаған елді мекенінде қазіргі таңда 800-ден астам тұрғын мекендеуде. Арнайы келген дәрігерлердің кеңесіне отызға жуық адам жүгінді.
Ауыл тұрғындары бұндай бейінді мамандардың шалғай мекендерге келуінің арқасында ауылдан алысқа ұзамай-ақ медициналық қызмет, кеңесті алуға қолайлы мүмкіндік туғанын алға тартуда.
Айта кетейік, дәрігерлік бригада жұмыстары әрі қарай Сүйіндік , Балқұдық ауылдарында жалғасын табады.
