Өндірістік ақау 6 қараша күні таңғы сағат 5 шамасында орын алған.
«Теңізшевройл» компаниясының екінші деңгейлі зауыты істен шыққан, деп хабарлайды atr.kz компания таратқан хабарламаға сілтеме жасап.
«Теңізшевройл» компаниясының мұнай өңдеу зауыты Жылыой ауданының Құлсары қаласынан 100 шақырым қашықтықта орналасқан.
«Зауыт G-211А маркалы сорғысының істен шығуы салдарынан тоқтады.
Жапа шеккендер мен қаза тапқандар жоқ. Жұмысшылар
эвакуацияланған жоқ.
11:30-да қалпына келтіру жұмыстары аяқталды. Сағат 13:00-де зауыт технологиялық режиміне сай жұмысын жалғастырды.
Автоматиканың істен шығу себептерін «Теңізшевройл» мамандары анықтауда» деп нақтылады компания.
