Бұл туралы қалалық әкімдіктің баспасөз қызметі мәлім етті.
Биыл Атырауда бірнеше мектеп салынады. Соның ішінде, Тасқала-2 (Өрлеу), Еркінқала-2, Көктем-2, Бірлік-2 ауылдарында 600 орындық жаңа білім ошағының құрылыстары жоспарланған.
Қалалық білім бөлімі мамандарының мәліметінше, бүгінде мектептерде орын жетіспеушілігіне байланысты үш ауысымдық оқу ұйымдастырылған. Жаңа мектептер пайдалануға берілген соң, №39, №32, Амандосов атындағы және Еркінқала мектептерінде үш ауысымдық оқу жойылады деп күтілуде.
Сондай-ақ, биыл Жаңаталап және Балауса елдімекенінен екі мектептің құрылысы аяқталып, халық игілігіне пайдалануға беріледі деп жоспарланып отыр.
Амандық САҒЫНТАЙҰЛЫ
