Бүгінде Атырау облысындағы Қиғаш пен Шароновка каналында, Еділ өзенінің бассейнінде су деңгейінің жоғарылауы байқалады. Бұл жағдай Волгоград су қоймасынан су тасқыны кезінде судың көбеюіне байланысты орын алып отыр, – деп хабарлайды облыстың төтенше жағдай жөніндегі жедел штабы.
Атырау облысы бойынша «Қазгидромет» РМК гидрологиялық мониторингінің деректері бойынша Қиғаш өзені – Шортанбай ауылы су бекетіндегі су деңгейі – 344 см, тәулігіне көтерілу +4 сантиметрді құрап отыр. Су тасқыны басталғаннан бері жалпы көтерілу – 215 см.
Қиғаш өзені – Котяевка селосындағы гидропост бойынша су деңгейі – 215 см, тәулігіне көтерілу +4 см. Су тасқыны басталғаннан бастап жалпы көтерілу 205 сантиметрді құрайды.
Шароновка өзенінің гидропосты – Ганюшкино ауылы су деңгейі 209 см, тәулігіне көтерілу + 4 см. Су тасқыны басталғаннан бері жалпы көтерілу 112 см құрайды.
Аталған каналдарда су деңгейінің одан әрі көтерілуі күтілуде. 30 сәуірде Еділ су электр станциясының төгінділері секундына 22 780 текше метрді құрады.
