Мұнайлы шаһарда жаңа саябақ салынады. Біз бұл туралы облыста жарияланған тазалық айлығы аясында өтіп жатқан жалпыхалықтық сенбілік барысында қала әкімдігі мамандарынан білдік.
Айтуларынша, жаңа саябақ Ә.Молдағұлова мен А.Пушкин көшелерінің аумағы, Тутұғырға жақын жерден орын тебеді. Заманауи үлгіде салынатын бұл саябақтың жобасын «NEW MOON Architects» ЖШС жасаған.
Ал, құрылысқа тапсырыс беруші – Атырау облыстық құрылыс басқармасы. Жер учаскесінің жалпы ауданы 4,04 га қамтитын демалыс орнын «NCOC» мекемесі қаржыландырады. Жаңа қоғамдық орын қала тұрғындары мен қонақтары үшін демалуға ыңғайлы жер болмақ, – дейді мамандар
Айта кетейік, бұл саябақта әртүрлі сәулет-құрылыс құрылымдары, мүсіндік композициялар және амфитеатр, велотұрақ, жаттығу және балалар ойын алаңдары, су айдыны мен әртүрлі субұрқақтар қарастырылған.
Амандық САҒЫНТАЙҰЛЫ
