Мәдениет

ЫСТАМБҰЛДА МАҒЖАН ТУРАЛЫ ФИЛЬМНІҢ ТҮСІРІЛІМІ БАСТАЛДЫ

Қазақстан Республикасының Ыстамбұлдағы Бас консулдығының қолдауымен «Алыстағы бауырыма» атты Мағжан Жұмабаев жайлы көркем фильмнің түсірілімі басталды. Бұл туралы консулдықтың баспасөз қызметі хабарлайды.
Фильмнің режисері – Зүлейха Шенер. Мағжанның рөлін Түркияда дүниеге келген қандасымыз Баһадүр Хакім ойнайтын болады. «Фильмнің түсірілімі енді ғана басталды. Түсірілімдер бүгіннен бастап 45 күн Түркияда, ал, көктемде тағы да 45 күн Қазақстанда өтетін болады. Премьераны 2015 жылы қоюды жоспарлап отырмыз», - деді Б.Хакім.

Читать далее »

ӘСЕТТІҢ ӘСЕМ ӘНДЕРІ-АЙ…

1975 жылдың жазы болатын. Атырауға шығармашылық сапармен келген белгілі сазгер Әсет Бейсеуов Махамбет ауданының елді мекендеріне де ат басын бұрып, кездесулер өткізді. Қайда барса да, оны өнерсүйер қауым жылы қабылдап, қошемет көрсетті. Әсеттің әсем әндерінің нағыз дүбірлеп тұрған кезі еді ол. Жиын-тойлар Әсет әнінсіз өтпейтін. Ортақшыл ауылында болған кездесуді жүргізу сол кездегі аудандық мәдениет бөлімінің меңгерушісі Нариман Үлкенбаев пен аудандық газеттің жауапты хатшысы болып істейтін осы жолдардың авторына жүктелді. Ертесіне құрметті қонағымыз көршілес Индер ауданына аттанатын болды. Селолық клубқа ауыл тұрғындары көп жиналды.

Читать далее »

Тұрсынбек ҚАБАТОВ: «МЕН ТАҚЫРЫПТЫ ӨМІРДІҢ ӨЗІНЕН АЛАМЫН»

Белгілі шоумен, жүргізуші, «Әзіл әлемі» театрының директоры Тұрсынбек Қабатов Атырауға әр келген сайын журналистердің сауалдарына жауап беріп, жоспарларымен, шығармашылық жаңалықтарымен бөліседі. Бұл жолы да театрдың «Базар жоқ» жап-жаңа» атты концертімен келген. Халықтың көзайымына айналған өнер ұжымының басшысы оқырмандар үшін арнайы сұхбат берді.

Читать далее »

«ҮЗДІК КӨРНЕКІ АҚПАРАТ» ИЕЛЕРІ КІМДЕР?

Қоғамдық сананы қалыптастыратын басты құралдардың қатарына көрнекі ақпарат пен жарнаманы да жатқызуға болады. Жарнаманың, маңдайшаның, мекеме атауларының үйлесімді, мазмұнды болуы – тіл тазалығындағы аса маңызды мәселе. Алдымен, ұлт тірегі – мемлекеттік тілдегі жарнаманың келісті болуы –       басты міндет. Осы орайда облыстық Тілдерді дамыту жөніндегі басқарманың ұйымдастыруымен үшінші мәрте өткізілген «Үздік көрнекі ақпарат» байқауының қорытындысы жарияланды.

Читать далее »

ҚЫЗЫЛҚОҒАЛЫҚ БЕЛАРУСЬ ҚЫЗЫ

Абай оқуларының бас жүлдегері 
Атырау қаласындағы Қ.Дүтбаева атындағы педагогикалық колледжінің өнер және мәдениет бөлімінің 2-курс студенті, беларусь қызы Әсемгүл Александрқызы Стомма қыркүйек айында облыстық Тіл басқармасының ұйымдастыруымен Махамбет ауданында өткен облыстық «Абай оқуларына» қатынасып, бас жүлдені иеленген еді. Сөйтіп, Әсемгүл Стомма республикалық «Абай оқуларына» жолдама алған болатын.

Читать далее »

«ШАҢЫРАҚ» ШАТТЫҒЫ

Құрманғазы атындағы мәдениет сарайында «Шаңырақ» жанұялар мейрамы өтті. Елімізде тұрып жатқан түрлі ұлт өкілдерінің ұрпақтан-ұрпаққа жеткен ұлттық өнерін қадірлеу, дамыту мақсатында дәстүрлі ұйымдастырылып келетін мейрам биыл да ерекше ұйымшылдықпен мерекеленді.

Читать далее »

АСАУКЕРІҢ ТАНБАСЫН ШАБЫСЫНАН!

«Өзі болған жігіттің түп атасын сұрама» дейтін халықтық қағида бар екенін біле тұра, біз бүгін елге танылған ақын, республикалық, облыстық сыйлықтардың иегері, Қазақстан Республикасының еңбек сіңірген қайраткері Қойшығұл Жылқышиев жайлы аз-кем әңгіме қозғауды жөн көрдік.

Читать далее »

ХАЛЫҚТЫҚ ҰЯ, ҰРПАҚҚА МҰРА

Қазақ елінің тұрмысына, қазақ жерінің табиғатына сай етіп жасалған тамашаның бірі – киіз үй. Көшпенді бабаларымыз малының өрісі, елінің қонысы үшін тау баурайларын, дала төскейлерін, өзен-көл жағаларын жаз жайлап, күз күздеп, тіпті қос қабат қалың киізден туырлық жауып қыс қыстаған бұрынғы кезден күні кешеге дейін қазақ қолөнерінің сәні, қазақ өмірінің мәні киіз үйден көрініп тұратын. Қазақтың тұрмысына, тіршілігіне қажеттің бәрі киіз үйдің төңірегіне топталып, киіз үйдің ішінен таралып жататын.

Читать далее »

«АТЫРАУ – АРМАН ҚАЛАМ»

Биыл Атырау қаласына – 373 жыл. Шаһардың төл мейрамы жыл сайын тойланып келеді. Атырау қаласы әкімдігінің қолдауымен ҚР Жазушылар Одағының облыстық бөлімшесі және «Талант» қоғамдық қоры ұйымдастырған облыстық ақындар айтысы осы мерекеге арналды. «Талант» қоғамдық қоры алғашқы шарасын төл өнерді төрге сүйреу мақсатында облысымызда бұрын-соңды қала мерекесінде өткізілмей келген жыр додасын қолға алудан бастады. Бір кезде жыр алыптарының мекеніне айналған Атырау өлкесінде соңғы кездері айтыс өнерінің еңсесін тіктей алмай жүргені рас. Бірақ, осы сөз сайысын тамашалай отырып, жүрегінде оты бар, кемел оймен, сұлу сөзбен қаруланған айтыскерлер қатары толығып келе жатқанына куә болып қуандық. Облыс орталығы мен аудандардан келген он сегіз ақын айтысқа қатысып, жыр көрігін қыздырды.

Читать далее »

РУХАНИ БАЮДЫҢ ҚҰПИЯЛЫ СЫРЫ

Ұлттық мәдениеттің мақтанышы, топ жарған дарабоздардың ордасы – М.Әуезов атындағы академиялық драма театры әртістері өңірдегі білімнің қарашаңырағы Х.Досмұхамедов атындағы Атырау мемлекеттік университетінде болып, ұжыммен, студенттермен кездесті. 

Читать далее »