Атырау облысы Құлсары қаласының тұрғыны 1995 жылдан бері облыс аумағында ешқандай құжатсыз жүрген. 53 жастағы ер адам күәлігін жоғалтып, бұдан кейін оны қайта жасатуға тырыспаған.
- Мен Тарасов Эдуард Александрович Атырау облысы Құлсары қаласының тұрғынымын. Осыдан 26 жыл бұрын күәлігімді жоғалттым. Қазіргі уақытта Жылыой ауданы полиция бөлімінің қызметкерлерінің көмегімен күәлігімді алдым. Сол үшін полицейлерге алғысымды айтамын,- дейді тұрғын.
- Атырау облысы бойынша тұлғалардың құқықтық мәртебесі жөніндегі Қазақстан Республикасының аумағында жеке басты куәландыратын құжаттарсыз жүрген 169 азамат анықталып, оның ішінде, КСРО паспортымен жүрген 50 адам, басқа құжаттармен-51, азаматтығы жоқ деп танылған адамдардың саны-67, ҚР-ның Президент Жарлығымен Қазақстан Республикасының азаматтығынан шығуына байланысты азаматтығы жоқ деп таныған 1 адам анықталып, қазіргі таңда 148 тұлғаға құжаттандыру жұмыстары жүргізілді-, деді Атырау облысы Полиция департаментң бастығы полиция полковнигі Қамза Үмбетқалиев.