Өскемен қаласының тұрғыны 13 атыраулықтың ақшасын алдап алған, деп хабарлайды Atr.kz тілшісі «Қазақпаратқа» сілтеме жасай отырып.
Облыстық полиция департаменті баспасөз қызметінің ақпаратына қарағанда, «Anti-fraud» жедел алдын алу іс-шарасы кезінде Шығыс Қазақстан облысының 26 жастағы тұрғыны ұсталған.
«Ол Атырау қаласының тұрғындарын азық-түлік жеткіземін деген сылтауымен «Яндекс такси» қосымшасы арқылы алдап, алаяқтық жолымен ақшасын иемденген. Қазір күдіктінің интернет-алаяқтықтың 13 эпизодына қатысы бар екені дәлелденді. Оған қатысты ҚР Қылмыстық Кодексінің 190-бабы, 2-бөлігімен сотқа дейінгі тергеу жүргізілуде» деп хабарлады департаменттің баспасөз қызметінен.