Атырау қаласының аумағына қарасты Қайыршақты ауылдық округінде жол құрылысының жұмыстары басталады.
Атырау қалалық әкімдігінен білгеніміздей, жоба бойынша жалпы ұзындығы 6,4 шақырымды құрайтын 28 көшеге тасжол төселмек. Жол құрылысын конкурс қорытындысы бойынша «Атырауинжстрой» мердігер мекемесі жүргізеді. Қалалық тұрғын үй коммуналдық шаруашылығы бөлімі мамандарының айтуынша, жобалау-сметалық құжаты жасақталып, мемлекеттік сараптамадан оң қорытындысы алынған.
Сондай-ақ, қазіргі таңда тасжол төсеу мақсатында «Бірлік-2» елдімекені аумағында 10 көшеге құрылыс монтаждау жұмыстары жүргізілуде.
Амандық САҒЫНТАЙҰЛЫ
