!["Атырау-Индер" тас жолы жабылды 1 img 20240517 131215 989](https://atr.kz/wp-content/uploads/2024/05/img_20240517_131215_989.jpg)
«Атырау-Индер» тас жолы жабылды
Атырау — Индер бағытындағы тас жолдың 27 шақырымы уақытша жабылып, жөндеу жұмыстары жүріп жатыр.
!["Атырау-Индер" тас жолы жабылды 2 img 20240517 131216 279](https://atr.kz/wp-content/uploads/2024/05/img_20240517_131216_279-1024x578.jpg)
Оқиға орнынан жағдайды баяндаған Атырау қаласы әкімінің орынбасары Нұржан Ермұхановтың хабарлауынша,
«Атырау — Индер» тас жолының 27 шақырымында шұғыл қалпына келтіру жұмыстары жүруде.
!["Атырау-Индер" тас жолы жабылды 3 img 20240517 131759 579](https://atr.kz/wp-content/uploads/2024/05/img_20240517_131759_579-1024x578.jpg)
«Талдыкөл ауылын газбен қамтамасыз етіп тұрған құбырының айналасына өр суы таралып, салдарынан топырақ пен трасса опырылып кетті. Зардап шеккендер жоқ. Газ құбырының бүлінуі, газ тарау фактілері тіркелмеді.
Атырау облыстық Жолаушылар көлігі және автомобиль жолдары басқармасы мамандары қазіргі уақытта жедел қалпына келтіру жұмыстарын жүргізуде.
4 арнайы техника, 15 маман жұмылдырылды.
Жол бүгін, яғни, 17 мамыр кешкі уақытына дейін толық қалпына келтіріледі, — деді Н.Ермұханов.
!["Атырау-Индер" тас жолы жабылды 4 img 20240517 131742 143](https://atr.kz/wp-content/uploads/2024/05/img_20240517_131742_143-1024x578.jpg)
Айта кету керек, қазір 27-28 шақырым аралығында автокөлік жүргізушілеріне айналма жолмен жүруге мүмкіндік бар.
Атырау қалалық полиция басқармасы Жол жүру техника инспекциясы қызметкерлері жолдағы көлік қозғалысының қауіпсіздігін қамтамасыз етуде.