Құқық

«Құқықтық тәртіп» қылмыстың алдын алады

Құқық бұзушылықтарға «нөлдік төзімділік» қағидасын нығайту, көшелер мен басқа қоғамдық орындарда тиісті қоғамдық тәртіпті қолдау мақсатында Атырау облысы аумағында 10 мамырда басталған «Құқықтық тәртіп» жедел-профилактикалық іс-шарасы жалғасуда.

Бұл іс-шара көшелерде және басқа да қоғамдық орындарда қоғамдық тәртіпті сақтау мен алдын алуды күшейтуге, вандализм, мүліктің бүлінуі, ұсақ бұзақылық, сондай-ақ жол қауіпсіздігі саласындағы бұзушылықтар фактілерін анықтауға және жолын кесуге бағытталған. Тұрмыстық зорлық-зомбылық саласындағы, оның ішінде кәмелетке толмағандарға қатысты құқық бұзушылықтардың алдын алуға ерекше назар аударылып жатыр. Сондай-ақ, полицейлер заңнаманы бұзу фактілерін анықтау үшін саяжай алқаптарын, құрылыс нысандарын, базарларды, шаруа қожалықтарын, жалдамалы пәтерлерді аралауда.
Қылмыстың алдын алу бойынша рейдтік іс-шаралар ұйымдастырылып жатыр. Полициялер есепте тұрған адамдарды, қолайсыз отбасылар арасындағы құқық бұзушылықтарды тексеруде. Қылмыстардың алдын алуға бағытталған бұл іс-шара 20 мамырға дейін жалғасады.

Related Articles

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Back to top button