Атырау облысы Жылыой ауданы Құлсары қаласын су басты. Жем өзені мен Құрсай өзегі тасыған, деп хабарлайды Экспресс К.
Құрсай өзегіне қар суы мол келіп, салдарынан сай-сала, қырат белдер суға толып, Құлсары қаласындағы бөгеттерді жарып өткен.
– Жағдайды бақылауда ұстап отырмыз. Жеке тұрғын үйлер суға кету қаупі жоғары. Барлық су тасқыны қаупі бар учаскелерде аудандық Төтенше жағдайлар мен Полиция бөлімі қызметкерлері жұмыс істеп жатыр, – деп хабарлады аудан әкімдігінің баспасөз қызметінде.
Түнде он тұрғын қауіпсіз жерге көшірілді. Арасында төрт бала бар.
«Экспрес К»
