“Ақберен” байқауынан атыраулық оқушылар жүлделі оралды
Ақтөбе қаласындағы Шығармашылықакадемиясында ҚР Білім және ғылымминистрлігінің «Дарын» республикалық ғылыми-практикалық орталығының ұйымдастыруыменшығармашыл оқушылар арасындағы VІІІ республикалық «Ақберен» өнер байқауы өтті.
Байқауға еліміздің барлық облысынан, Нұр-Сұлтан, Алматы және Шымкент, Атырау қалаларынан, сондай-ақ Назарбаев Зияткерлік мектептері мен республикалық білім беру ұйымдарынан 108 жас(8-11 сынып оқушылары) қатысты.
— «Ақберен» өнер байқауы — жыл сайын еліміздегі өнерлі, дарынды оқушылардың басын қосып, үздіктерді анықтайтын жоба. Бұл жобаның негізгі авторлары — Әшірбек Сығай мен Мырзатай Жолдасбеков. Биыл сегізінші мәрте өтіп жатқан байқау жастардың дарынын шыңдауда, өнерге, әдебиетке баулуда маңызы зор. Биылғы байқауда белгілі ақын Аманжол Әлтай бастаған белгілі ақын-жазушылар мен өнер майталмандары оқушылардың өнерін бағалап, қазылық етуде. Екі күнге созылған байқауда біз шын жүйріктер мен шығармашыл оқушыларды анықтадық ,-дейді «Дарын» республикалық ғылыми-практикалық орталығының бөлім басшысы Зәуре Аманова.
Атырау облысынан аттанған оқушыларымыз командалық есепте жүлделі 3 орынды иемденді.
«Көркемсөз оқу» номинациясы бойынша Қызылқоға ауданы Мұқыр орта мектебінің 11 сынып оқушысы Сисенбай Нұрай Жайлауқызы 1-орынды жеңіп алды, жетекшісі ̶ Ризуанова Гулнар Ескалиевна.
Атырау қаласы №35 Х. Ерғалиев атындағы мектеп-гимназиясының 11-сынып оқушысы Асқар Асылай Асланқызы«эссе жазу» номинациясы бойынша 2 дәрежелі дипломмен марапатталды, жетекшісі ̶ Кубиева Нургуль Пангереевна.
Атырау қаласы Н. Тілендиев атындағы Кіші өнер академиясының 9 -сынып оқушысы Тамбай Арайлым «Ұлттық аспапта өнер көрсету» номинациясы бойынша арнайы грамотамен марапатталды, жетекшісі ̶ Қуанғалиева Әлия.
Атырау облыстық дарынды балаларға арналған ұлттық гимназиясының 11-сынып оқушысы Асқаров Бейбарыс «шешендік, білгірлік сайысы» номинациясы бойынша, Н. Тілендиев атындағы Кіші өнер академиясы10-сынып оқушысы Мұхитов Ерасыл «Ақындар айтысы» номинациясы бойынша, Х. Досмухамедов атындағы университеті «КеАҚ дарынды балаларға арналған «Ұстаз» мектеп-интернатының 11-сынып оқушысы Елеусінов Бекзат Қанатұлы «Ақындар мүшәйрасы» номинациясы бойынша өнерлерімен ерекшеленіп, арнайы сертификаттар, сыйлықтармен марапатталды. Жетекшілері ̶ Қуандықова Эльмира, Дәулекенов Өнербек, Кенжебайұлы Ернар.
Жеңістеріңіз құтты болсын! Біз Сіздерменмақтанамыз, Атырау дарындары!
