183182663 1403529303359681 4684559175143566486 n

Ұлттық бірыңғай тестілеу: Атырауда 277 оқушы қатысты

Жаңалықтар
14 / 100

Бүгін Атырауда мектеп бітіруші түлектердің грантқа түсуі үшін өткізілетін Ұлттық Бірыңғай Тестілеу басталды. Оған облысымыздан 277 оқушы қатысты, деп хабарлайды atr.kz Атырау облысы Білім беру басқармасының баспасөз қызметіне сілтеме жасап

Тестілеу «Бір тестіленуші, бір компьютер, бір камера» принципі бойынша электронды түрде өтуде.

«ҰБТ орталықтарында барлық санитарлық талаптар сақталған. Сондай-ақ, медициналық пункттер жұмыс істейді. Түлектер тестке  маска киіп, дене қызуын өлшетіп кіреді. Ұлттық бірыңғай тестілеу барысын онлайн-трансляция арқылы көруге болады. ҰБТ тапсыру пункттерінде қауіпсіздік шаралары күшейтілді, атап айтсақ санитайзерлер, тепловизор, бактерицидті шамдар, пайдаланған маскаларға урналар, әлеуметтік қашықты сақтау үшін кіреберістің алдында және ғимарат ішінде белгілеу қамтылған»,  деді  Ұлттық тестілеу орталығы Х. Досмұхамедов атындағы Атырау университетіндегі филиал басшысы Есенжол Мұхамбетәлиев.

ҰБТ екі ауысымда ұйымдастырылады. Мамыр-маусым айы аралығында талапкерлердің грантқа екі рет тапсыруға мүмкіндігі бар. Екі рет тапсырған балл нәтижесіне қарап, ең жоғары сертификатымен оқуға құжаттар тапсыра алады. ҰБТ пункттері Атырау және Құлсары қалаларында, сондай-ақ,  Құрманғазы ауданында орналасқан.

ҰБТ өту мерзімі: 6 мамыр және 30 маусым аралығы

Пікір үстеу

Э-пошта мекенжайыңыз жарияланбайды. Міндетті өрістер * таңбаланған