Өңірде коронавирустық инфекциямен сырқаттанушылықтың төмендегені байқалады, деп хабарлайды Атырау облысы Денсаулық сақтау басқармасының баспасөз қызметі.
Соңғы тәулікте өңірде коронавирустық инфекциямен ауырған 29 адам анықталды. Атап айтқанда, Атырау қаласында Covid-19 жұқтырудың 8 жаңа жағдайы расталды. Скрининг нәтижесінде Теңіз кен орнында 15 науқастан қауіпті індет табылған.
Құрманғазы ауданында 2, Мақат ауданында 1 науқастан індет анықталды.
Коронавирустық инфекциясы бар 11 науқаста ауру тиісті белгілермен өтуде. 18 адамда ауру белгілері жоқ. Өткен тәулікте облыста коронавирустан 209 адам емделді. Қазіргі уақытта 1 367 адам үй жағдайында, 117 модульдік ауруханада, 99 N2 облыстық ауруханада, 26 – фтизиопульмонологиялық орталықта ем алуда, аудандық инфекциялық стационарларда-89.
Теңіз кен орнындағы инфекциялық стационарда – 87 адам емделуде.
Айта кетейік, инфекцияның таралу қарқыны бойынша Атырау облысы «сары» аймаққа өтті.