Мақат ауданының № 2 бастауыш мектебінің ұлт-аспаптар ансамблі «Біз – тәуелсіз елдің ұрпағымыз!» – атты есептік концертін берді, деп хабарлайды atr.kz тілшісі.
– 2022 жылы қараша айында облыс әкімдігінің қолдауымен осы ұлттық жобамыз бастау алды. Қажетті аспаптар сатып алынды. Балалардың өнерге талпынысы керемет. Қазір ансамбль құрамында 15 оқушы бар, оқу жылының соңында 30 оқушымен тағы да концерт қоюды жоспарлап отырмыз – дейді № 2 бастауыш мектептің директоры Руслан Баймұқашев.
Оқушылар домбыра, асатаяқ, жетіген, бубен,кахон сияқты аспаптарда халықтық ән-күйлермен қатар, әлем классиктерінің туындыларды да орындап, көпшілік ілтипатына бөленді.
Ансамбль мүшелерінің ең кішкентайы – 7 жаста, ал, ең үлкені – 9 жаста.
Айта-кету керек, бастауыш сынып оқушыларынан құралған ансамбль еліміздегі мектеп қабырғасында құрылған алғашқы өнер ұжымы.
