Мектептегі қазақ тілі мен әдебиеті пәні блогында ашылған Фариза Оңғарсынова атындағы кабинетте ақынның өмірі мен кітаптары, қолына ұстаған қаламы мен жазбалары қойылды. Кешке жиналған қонақтар осы кабинетте «Фариза – әлем, Фариза – өлең» деген тақырыпта жас фаризатанушылардың тырнақалды бастамалары мен ақынның өлең жолдарына жазылған эсселер мен ғылыми жұмыстарды қорғап, поэзия кешінің көрігін қыздырды. Кеште ақынның «Телефон шыр етеді» деген өлеңіне қойылған сахналық көрініс те сәтті шықты.
Жанша ТЕКЕЕВА, Атырау қаласындағы химия-биология бағытындағы Назарбаев зияткерлік мектебінің қазақ тілі мен әдебиеті пәні мұғалімі.
