Атырау облысы спортшыларының дəстүрлі балында жаңа жылдық «challenge» өтіп, 300-ден астам адам қатысты,-деп хабарлайды Атырау облыстық өңірлік коммуникациялар қызметі.
Биіктігі 2 метрге жететін жеңімпаздар шыршасын облыс спортшылары 2017 жылы жеңіп алған 1000 медальмен безендірген. Олардың көбі спорттың əр түрінен өткен чемпионаттарда, параолимпиадада жүлделі орындарға берілген.
Шыршаны жасақтаған атыраулық спортшылар эстафетаны Қазақстанның өзге облыстарындағы спортшыларға табыстады.
«Біздің спортшылар ойлап тапқан жаңа жылдық challenge спортты насихаттауға жəне əріптестеріміздің рухын көтеруге бағытталған. Біз Қазақстанның барлық спортшылары бастамамызды қолдап, биыл қол жеткізген жетістіктерін көрсетеді деген сенімдеміз»,-дейді Атырау облыстық дене шынықтыру жəне спорт басқармасының басшысы Азамат Бекет.
Спортшылар балында «Үздік спорт федерациясы», «Үздік спортшы», «Үздік топ», «Үздік спорт жобасы» секілді 15 аталым бойынша жүлдегерлер марапатталды.
ВИДЕО:
Айқара Ғұмар
