Бүгін Атыраудағы «АрнайыАвтоБаза» ЖШС қызметкерлері Құрбан айт мейрамының құрметіне орай құрбан шалып, қаладағы Қарттар үйінде дастарқан жайды.
Мекеме қызметкерлерінің айтуынша, олар жыл сайын Құрбан айт мейрамында әлеуметтік мекемелерде болып, оларға көмек көрсетуді игі дәстүрге айналдырған екен. Биыл да сол игі дәстүрлерінен жаңылмай, қой мен сиыр түліктерін құрбан шалып, оларды тұрмысы төмен отбасылар мен Қарттар үйіне таратты.
Қарттар үйінде арнайы дастарқан жайып, көңілі жабырқау жандарға бір сәтке болса да жандарына жылылық сыйлады.
Өз кезегінде қарттар да аталмыш мекеме қызметкерлеріне алғыстарын айтып, баталарын берді.
Нұрсұлтан ЕРТУҒАНҰЛЫ
Суреттерді түсірген: Әнуар ӘБІЛҒАЗИЕВ.
