Алматы, Астана, Қызылорда, Ақтөбе, Орал, Атырау қалалары мен облыс аудандарынан келген жас дарындар өнер сайысында ән шырқап, би биледі, шағын сахналық қойылымдар көрсетті. Фестиваль-конкурста бақ сынаған «Аққайың» бишілерінің қазылар назарына ұсынған қазақ биі «Мереке» мен «Татар биі» үздік деп танылды. Ал, Аққыстау орта мектебі оқушыларынан құралған «Қамажай» би ансамблі кіші топта екінші орынға қол жеткізді.
Эстрада жанры бойынша сынға түскен исатайлық әншілердің де мерейі үстем болды. Жас әнші Дана Мәжитова екінші орын иеленсе, Нұрқан Алпанов конкурс дипломанты атанды.
Бақытжан ХАМИТҰЛЫ,
Исатай ауданы.
