Жастар мен оқушылардан құралған еріктілер жасақтары мектеп басшылығымен бірге көмек-қолдауға мұқтаж егде адамдардың тізімін анықтады.
Ұйымдастырушылардың айтуынша, олар алдымен индерлік соғыс және еңбек ардагері Құрманғали Дүйсенғалиев пен ардагер-ұстаз Үміт Өмірғалиеваның үйлеріне маңдай тіреді. Қарттардың ауладағы қарын сыртқа шығарып, үй шаруашылығына, ішкі-сыртқы тазалық жұмыстарына қолұшын беріп, жәрдемдесті. Осындай қолдаумен Өрлік ауылынан 14 отбасы, сондай-ақ Жарсуат, Қызылжар, Бөдене елді мекендері мен Индербор кентінен 30 ардагер қамтылған.
Дәулетқали АРУЕВ,
Индер ауданы.
