Сенбілік барысында аула тазаланып, орындықтар сырланды. Ағаштар суарылып, айналаға сән берер әсем гүлдер отырғызылды. «Туған қала тазалығы – өз қолыңда!» деген ұранмен өткен акция аясында осындай игілікті істер атқарылып, интернат тұрғындарына көтеріңкі көңіл-күй сыйлауда.
Салынғанына біраз жыл болса да, жөндеу жұмыстарын көрмеген ғимаратты ақтап-сырлаған шаруашылық мейірбикесі Гүлфара Сұлтанова бастаған тазалықшылар үш қатарлы мекемені айнадай қылып, тұрғындардың алғысына бөленді.
Біздің үйімізге биыл жиырма жыл толады. Сондықтан, бұл шаралар – осы бағыттағы жұмыстардың тек басы ғана. Жөндеу, ретке келтіру әлі де жүйелі түрде жалғаса бермек.
Кенже ӘБІЛҒАЗИЕВ,
Қарттар мен мүгедектерге арналған интернат үйінің тұрғыны.
