Қазақстанда коронавирус пен пневмониядан тағы 11 адам қайтыс болды, деп хабарлады денсаулық сақтау министрлігі.
Алты адам коронавирустан, бес адам коронавирус белгілері бар пневмониядан көз жұмды. Оның алдында бір күнде коронавирус пен пневмониядан 7 адам қайтыс болды.
4 наурыздағы жағдай бойынша Қазақстанда 19 053 адам коронавируспен ауырып жатыр. Оның 13 227-нде COVID-19 расталды. Ал 5 826 адамда сынамасы теріс нәтиже көрсетті.
237 адамның жағдайы ауыр, 45 науқас аса ауыр хәлде, 51 адам өкпені жасанды желдету аппаратына қосылған.
Өткен тәулікте елде 804 адамның індетке шалдыққаны хабарланды.
«Спутник Қазақстан»
