Республика күніне орай облыстық тарихи-өлкетану музейінде «Егемен елім – Қазақстан» атты тағылымдық сабақ өтті. Аталған сабаққа №12 Ф.Досымова атындағы орта мектептің 8-сынып оқушылары мен жетекші мұғалімі қатысты.
– Сабақтың мақсаты – оқушылардың бойына туған елге, Отанға деген құрмет пен отаншылдық құндылығын дарыту, Республика күнінің маңыздылығын түсіндіру болды, – дейді музей мамандары.
Сабақ музейдің «Тәуелсіз Қазақстан тарихы» экспозициялық залында өткізіліп, онда оқушыларға 1990 жылғы 25 қазанда қабылданған Қазақстанның мемлекеттік Егемендігі туралы декларациясы, тәуелсіздік жолындағы Қазақстан, рәміздеріміз туралы көптеген мәліметтер айтылды.
Оқушылар да ерекше форматтағы сабақта белсенділік танытып, өздерінің әсерлі ойларымен бөлісті.
Майра СЕЙІТҚАЛИҚЫЗЫ
