«Өтірік базар аралауды доғару керек!» Сейсенбі күні Үкімет отырысын өткізген Премьер–министр Бақытжан Сағынтаев шенділерге осындай тапсырма берді.
«Біздің әкімдер нақты жұмыс істеп, қымбатшылықтың себебін анықтаудың орнына өздерін көрсетіп қалғысы келеді. Базар аралап, көптің көзінше азық–түлік бағасын тексергендей болады. Саудагерлердің әкім келерде бағаны арзандатып қоятыны түсінікті емес пе?» деген Үкімет басшысы билік өкілдерінің бұл әрекетін «жай ғана пиар» деп бағалады.
Атқамінерлер арасындағы кеңінен тараған көзбояушылықты біржола тоқтату мақсатында Ұлттық экономика министрі Қуандық Бишімбаев тым болмағанда кейбір әлеуметтік тауарлар бағасының өсуіне заңмен шектеу қоюды ұсынып отыр.
