Атыраудағы барлық мұғалімдер мен студенттер электронды цифрлық қолтаңбамен қамтамасыз етілді. Бұл туралы ҚР мемлекеттік қызмет істері және сыбайлас жемқорлыққа қарсы іс-қимыл агенттігінің Атырау облысы бойынша департаментінің баспасөз қызметі мәлімдеді.
Биылғы жарты жылдықта өңірдегі 10 758 педагогика саласының қызметкері және колледждердегі 4 633 студент электронды цифрлы қолтаңбамен толық қамтамасыз етілді. Бұл олардың мемлекеттік қызметті орталыққа бармай-ақ, үйден отырып алуына мүмкіндік береді. Сондай-ақ, өңірдегі 2 жоғары оқу орны мен 25 орта кәсіптік білім беру ұйымында студенттерге арналған өзіне-өзі қызмет көрсету бұрыштары ашылды.
Айта кету керек, Атырау облысы бойынша барлығы 1 443 210 мемлекеттік қызмет көрсетілген.
