Қызылқоға ауданына қарасты Тасшағыл ауылында жаңа балабақша пайдалануға берілді. 100 орындық балабақша заман талабына сай қажетті құрал-жабдықтармен толықтай қамтамасыз етілген.
Тасшағыл ауылының әкімі Мәлік Қуанышевтың айтуынша, заманауи орталық елдімекендегі балабақша кезегі мәселесін толықтай шешіп отыр.
– Қазір орталыққа 107 бала тіркелді. Мұнда бүлдіршіндер 1 жастан бастап қабылданады. Қос қабатты орталық жатын бөлме, ойын алаңы, акт залы, асхана, яғни, барлық қажетті залдармен қамтылған, – деді ол.
Перспективалы ауылдардың қатарына енгізілген Тасшағылда енді мәдениет үйін тұрғызу жоспарланып отыр.
Баян ЖАНҰЗАҚОВА.
