Атырау қаласында су деңгейінің күннен күнге көтерілуіне байланысты Жайық тұсындағы елді мекендердің жағалауына кезекшілік қойылды. Бұл туралы облыстың төтенше жағдай жөніндегі жедел штабы хабарлады.
-4 мамырдан бастап, жағада тәулік бойына кезекшілік қойылды. Кезекшілердің міндеті су деңгейін бақылап, хабардар ету және бөгеттің жағдайын да назардан тыс қалдырмау керек. Кезекші құрамға керекті арнайы техника, етік, фонарик берілді, – деді 26-30 учаскелердің координаторы Әбіл Тауфихұлы.
Айта кету керек, 26, 27, 28, 29, 30 учаскелерде кезекшіліктің бір құрамы 08:00-20:00 сағат аралығында, екінші құрамы түнгі ауысымға, яғни, 20:00-08:00 аралығында арнайы жасақталған кесте бойынша ахуалды бақылайды.