Атырау қаласы және ауылдық округтерде су тасқынынан келер қауіптің алдын алу үшін ауыл тұрғындары жаға бөгеттерін көтеріп жатыр.
Бұл үшін ерікті ер азаматтардан арнайы топ құрылды. Топта қазір 1000-ға жуық адам бар.
–Әр ауылдық округтің әкімшілігі техникамен қамтамасыз етілді. Сондай-ақ, көмекке жергілікті тұрғындар да қолдарындағы бар құрал-сайман, қапшықтарын әкеліп жатыр, – дейді ерікті Нұрлыбек Даралиев.
Бұдан бөлек, облыс әкімшілігінің шешімімен, техника жетіспеушілі бар селолық округтерге, шағынаудандарға жедел түрде қажеттілікпен қамту жұмысы қарастырылуда. Айта кету керек, бөгеттерді биіктету мақсатында қосымша 1 млн. 300 мың қапшық жеткізілетін болады.
Хұсни ХАМЗА
Суреттерді түсірген Ерлан АЛТЫБАЕВ
