«Мәңгілік жаса, Қазақстаным!»

      Осындай атаумен  Ш.Сариев атындағы көркемсурет және қолданбалы-сәндік өнер музейінде өткен шара Республика күніне арналды. 

Музей қоры туындыларынан құралған көрменің мақсаты өскелең ұрпаққа сырлы бояумен салынған егемен еліміздің тарихын насихаттау болды.

      Көрмедегі жастардың патриоттық сезімдері оянып, қылқалам шеберлерінің шығармаларын қызығушылықпен тамашалады. Олар «Бізге мұрат еткен егемендікті қастерлеу, қадірлеу жастарға парыз» деген пікірлерімен бөлісті.

      Көрме қонақтары — С.Өтебаев атындағы Атырау мұнай және газ университетінің студенттері  Ж.Аралбаевтың «Гүлденген өлке», И.Арыстановтың «Астана», Н.Қалиевтың «Бәйтерек», Т.Оразғалидың «Экспо-2017»,  М.Давлетьяровтың «Азияға апарар жол», С.Кәрібайдың «Атырау көрінісі», Ә.Жантасовтың «Махамбет-Исатай алаңы», Қ.Оразғалиевтың «Саябақ» және т.б. осы секілді туындыларын тамашалады.

 Майра ОРАЗҒАЛИЕВА