Атырауда жасөспірімдер жарты жылда 18 үйді тонап үлгерген

Атырауда тәртіп сақшыларының қолына түскен жасөспірімдер қала сыртындағы ықшамаудандардағы үйлерге ұрлыққа түскенін мойындады.

Облыстық ішкі істер департаментінің баспасөз қызметі хабарлағандай, қылмыстық топ үш жасөспірім мен кәмелеттік жастағы бір адамнан құралған. Олар осы жылдың наурызы мен қыркүйек айлары аралығында Мирас, Жұлдыз, Көктем, Ақжар мөлтекаудандарындағы жеке үйлерді тонаған. Көбінесе, үй жабдықтары мен тұрмыстық техниканы және ақшаны қолды еткен. Бұл іске қатысты сотқа дейінгі тергеу-тексеру амалдары басталып та кетті. Ал, 20 жастағы күдікті уақытша тергеу изоляторына алынды.

Мөлдір БАЛТАБЕКҚЫЗЫ