«Балалар алаңы» ашылды
Атырау аймағында еселі еңбек етіп жатқан іргелі компаниялардың бірі – NCOC. Тәуелсіздік мерекесінің мерейлі жылына орай аталған компания әлеуметтік нысандарға демеушілік көмегін көрсетіп, оларды заманауи құрал-жабдықтармен қамтамасыз етіп келеді.
Соның бірі – Жұмыспен қамтуды үйлестіру және әлеуметтік бағдарламалар басқармасына қарасты №3 балаларға арнаулы әлеуметтік қызмет көрсету орталығы. NCOC осы орталықтың тәрбиеленушілеріне арнап жаңаша жабдықталған балалардың ойын алаңын салтанатты жағдайда табыстады.
Компанияның жергілікті мемлекеттік органдармен және жұртшылықпен байланыс жөніндегі менеджер міндетін атқарушы Сұңқар Құлжанов 30 жыл ішінде еліміздің қол жеткізген жетістіктерін әңгімелей келе,«Бар жақсы – балаларға» деген ұранмен өмір сүріпжатқан қазақстандықтардың пікірін компания басшылығы да қолдайтынын, әлі де талай демеушілік көмек көрсетілетінін баса айтты.
Лиза СЕЙТІМОВА
