Жаңаталаптықтарға жаңа медициналық көлік табысталды

Құрманғазы ауданының Жаңаталап ауылдық округінде өткен тұрғындармен кездесуде аудан әкімі Абат Жанғалиев ауылдық медициналық пунктке жаңа қызметтік көлік кілтін ресми түрде табыстады.

Аудан әкімдігі баспасөз қызметінің хабарлауынша, бұл көлік ауыл тұрғындарына көрсетілетін медициналық қызмет сапасын арттыру мақсатында беріліп отыр. Көлік медициналық қызметкерлердің ауылдық округ ішінде науқастарға дер кезінде жетуіне, қажетті құрал-жабдықтарды тасымалдауға және шұғыл жағдайларда көмек көрсетуге мүмкіндік береді.

Жиналыс барысында ауыл тұрғындары атынан медициналық қызмет сапасын жақсартуға қолдау көрсеткен әкімдікке алғыс айтылды.

Алтыншаш НӘСІПҚАЛИҚЫЗЫ