Жабайы қоқыс алаңдары жойылады

Atr.kz/14 қараша, 2019 жыл. Атырау облысы бойынша стихиялық қоқыс үйінділерін жою жұмыстары жүргізілуде.

Қалалық ТКШ бөлімінің мәліметіне сүйенсек, алдымен қала маңында пайда болған қоқыс алаңдарының 259 нүктесі анықталған. Мамандардың айтуынша, бұл үйінділер рұқсат етілмеген жерлерге қатты тұрмыстық қалдықтарды әкеп төгу салдарынан пайда болған.

Мұндай жабайы қоқыс алаңдарын жою мақсатында «АрнаулыАвтобаза» мердігер мекемесі жанынан арнайы жұмысшы тобы құрылып, қажетті техникалар  жұмылдырылды. Күні бүгінде негізгі 3 алаң тазартылып, 120 тонна қоқыс шығарылған. Бұл жұмыстар келер жылы да жалғасын табады.

Дереккөз: Атырау өңірлік коммуникациялар қызметі