Президент мемлекеттік қызметшілер мен тәртіп сақшыларын кәсіби мерекесімен құттықтады

Мемлекет басшысы Қасым-Жомарт Тоқаев тілегін Twitter-дегі парақшасына жазды.

«Мемлекеттік қызметшілерді және тәртіп сақшыларын кәсіби мерекелерімен құттықтаймын! Әділетті Қазақстанды құру үшін әрбір қызметшінің отаншыл, адал болуы және өз ісіне жауапкершілікпен қарауы өте маңызды. Сіздер ел игілігіне қызмет етудің озық үлгісін көрсетесіздер деп сенемін», — деп тілек білдірді Тоқаев.

Еске салайық, 23 маусым Қазақстанда – полиция және мемлекеттік қызметкер күні.