ИТАЛИЯ. Ел премьер-министрі Маттео Ренци отставкаға кететінін мәлімдеді. Ол мұндай шешімді конституциялық реформа туралы референдумның сәтсіз нәтижесі мен үкіметке сенімсіздік күшейгеннен қабылдаған.
Жалпы, референдумға халықтың 70 пайызы қатысқан. Дауыс берушілердің дені Ренци ұсынған реформаларға қарсы болды. Премьер-министр қызметінен кету туралы өтінішті президент Серджо Маттареллаға үкімет отырысынан кейін беруге ниетті.
