Премьер-министр Олжас Бектенов: «Бұл — соңғы жылдардағы ең ауқымды су тасқыны»
Премьер-министр Олжас Бектенов Қазақстандағы су тасқынына байланысты мәлімдеме жасады.
«Бұл соңғы жылдарда орын алып отырған ең ауқымды су тасқыны. Қазір ең бастысы – адамдардың өмірін сақтау және апат салдарын азайту. Кейінірек жекелеген лауазымды адамдардың өз қызметтік міндеттерін орындауға немқұрайлы қарауының ықтимал фактілерін анықтау мақсатында арнайы тексеру жүргізілетін болады. Мен бұл мәселені Бас прокурормен талқыладым. Бүгінде барлық күш су тасқынына қарсы жұмыстарға жіберілді. Бірқатар өңірлерде төтенше жағдай режимі жарияланды. Менің бірінші орынбасарым Роман Скляр ең көп зардап шеккен аймақтарда жұмыс істеуде» — деді министрлер кабинетінің басшысы бейнеконференция кезінде. Төтенше жағдайлар министрлігінің басшылығына еліміздің барлық өңірлерінде жұмыстардың жүргізілуіне бақылауды күшейту тапсырылды.
