Пойыздарда интернет қызметі іске қосылады

Ертеңнен бастап жолаушылар пойыздарында интернет қызметі қолжетімді болады. Бұл туралы «Жолаушылар тасымалы» АҚ баспасөз қызметі мәлімдеді.

Жолаушыларға қолайлы жағдай жасау мақсатында заманауи спутниктік технологиялар арқылы пойыздарда тұрақты интернет желісін қамтамасыз ететін пилоттық жоба іске қосылады. Алғаш болып бұл қызмет ел арасында ең танымал бағыттардың бірі – №¾ «Астана–Алматы» пойызында іске асырылмақ.

Компания өкілдерінің айтуынша, бұл жаңашылдық жолаушыларға сапар барысында онлайн байланыста болуға, жұмыс істеуге және демалысын тиімді өткізуге мүмкіндік береді. Пилоттық жобаның сәтті жүзеге асуы алдағы уақытта өзге бағыттарға да енгізілуіне ықпал етпек.

Алтыншаш НӘСІПҚАЛИҚЫЗЫ

Сурет: vagon-vokzal.ru