41b00a04c1b6560b870128817f08b7ec slider 1

Нұр-Сұлтан қаласы: атыраулықтар Елорданы жаңа атауымен құттықтады

Жаңалықтар Қоғам

Atr.kz/23 наурыз, 2019 жыл. Президент Қасым – Жомарт Тоқаевтың Жарлығымен бүгін еліміздің бас қаласы елорданың Нұр-Сұлтан қаласы деп өзгертілді.

Бұл жаңалыққа атыраулық өнер иелері қолдау білдіруде. Атаулы күннің құрметіне, бүгін Атырау қаласындағы Маxамбет атындағы академиялық қазақ драма театры алаңында салтанатты концерт болып өтті. Түрлі жанрда әннен шашу шашылған концертте театр ұжымы қала тұрғындарына мерекелік көңіл-күй сыйлады.

IMG 20190323 WA0020 1

Концерт барысында Atr. kz Атырау тұрғындарының Бас қала атауына байланысты пікірлерін білген болатын.

Гүлмира ШЫМАНОВА, Атырау қаласының тұрғыны:

Елбасының ерен еңбегі еленуі қажет. Нұрсұлтан Назарбаев – еліміздің тұрақтылығы мен бейбіт өмір сүруіне ықпал еткен бірегей тұлға. Астана қаласына Елбасы атын беру тарихи шешім.

Зәру ЫРЫСҚАЛИЕВА, зейнеткер ұстаз:

Елбасы саясаты бізді жарқын болашаққа жетеледі. Қазақстанның әлеуметтік, экономикалық даму көрсеткіштері Орта Азияда көш бастап тұр. Еліміздің бүгінгі жетістіктері Елбасы есімімен тығыз байланысты. Демек, Нұр – Сұлтан атты жаңа қала атауының болуы заңдылық. Кезінде Америка да Вашингтон қаласын көшбасшыларының құрметіне берген болатын.

IMG 20190323 WA0021 1
IMG 20190323 WA0023 1
IMG 20190323 WA0024 1

Фархад КАРАПИДЕНОВ. Фото автордікі.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған