Индерде карантинге қарамастан экономикалық өсім бар

Индер ауданы барлық көрсеткіште көш бастап тұр, деп хабарлайды Atr.kz тілшісі.

Күрделі карантиндік кезеңге қарамастан Индер ауданының экономикалық көрсеткіштерінің барлық саласында елеулі өсім бар.

     Аудандағы өнеркәсіп өнімінің көлемі өткен жылдың есепті кезеңімен салыстырғанда 809 млн. теңгеге артып, нақты көлем индексі 135,2 пайызды құраған.

Ал, негізгі капиталға салынған инвестицияның нақты көлем индексі 220,7 пайызды көрсетіп отыр.

Аудан үшін ауыл шаруашылығы — маңызды саланың бірі. Бұл салада өткен жылы 10 млрд-тан астам теңгенің өнімі өндіріліп, төрт түлік малдың саны 3,5 %-ға артқан.