Халық санағы өте ме?

Atr.kz/30 шілде, 2020 жыл. Пандемияға байланысты халық санағы келесі жылға шегерілуі мүмкін. Ұлттық экономика министрі Руслан Дәленовтың айтуынша, Қазақстанда ауқымды науқандық шараны 2020 жылдың 1 қазанынан бастап жүргізу жоспарланған еді.

– Алайда, халық санағын жүргізетін қызметкерлер халықпен жақын қарым-қатынаста еңбек ететіндіктен, коронавирус инфекциясы қаупінің алдын алу мақсатында Ұлттық экономика министрлігі Үкіметке санақты келесі жылға шегеруді ұсынды. Мұндағы негізгі себеп – халық пен халық санағын жүргізетін адамдардың амандығы. Біз тиісті шешімді күтіп отырмыз, — деді Ұлттық экономика министрі.