![Доллар арзандағанымен, азық-түліктің құны екі есеге қымбаттап кеткен 1](https://atr.kz/wp-content/uploads/2017/02/pogudx6mr9ruilsmi.594e7f52.jpg)
Доллар арзандағанымен, азық-түліктің құны екі есеге қымбаттап кеткен
Доллар біраз арзандағанмен, азық-түліктің құны керісінше көтеріліп бара жатыр. Дүкенде тауар мен дәрі-дәрмектің бағасының шарықтап кеткені депутаттарға енді жеткендей. деп хабарлайды 31 арна.
Үкімет пен Бас прокуратураның атына сауал жолдаған мәжілісмен Тұрғын Сыздықов 24 тауар түрінің екі есеге қымбаттағанын айтты.
Ал жолдың жабықтығын сылтауратып сатушылар еттің бір келісін екі мың теңгеге саудалап жатқаны да айтылды. Ал бағаны реттейміз деп жергілікті биліктің жасаған меморандумдарынан да түк пайда жоқ деген депутат қымбатшылықты жасап отырған делдалдардың көзін құрту жолдарын ұсынды.
«Жергілікті билікке әлеуметтік дүкендердегі, сауда бөлімдеріндегі, коммуналдық нарықтағы бағаны реттеуді, тауардың сапасы мен санын тексеруді міндеттеу керек. Отандық өнімдерді базардағы сауда орындарына тікелей жеткізу мәселесін қарастыру қажет», — дейді Тұрғын Сыздықов .