![Дәурен Абаев: “Атырау өңірі – Алтын Орданың тарихи мұрасын зерттеу ісінде маңызды орталық” 1 4195c8d7 2ec8 49e9 8917 06dbdfdd23ac](https://atr.kz/wp-content/uploads/2021/10/4195c8d7-2ec8-49e9-8917-06dbdfdd23ac.jpeg)
Дәурен Абаев: “Атырау өңірі – Алтын Орданың тарихи мұрасын зерттеу ісінде маңызды орталық”
«Осыдан бір апта бұрын Президент Қасым-Жомарт Тоқаев ұлық ұлыстың негізін қалаушы Жошы хан жерленген жер — Ұлытаудағы тарихи – мәдени кешенінде болды. Осы айтулы оқиғаның эстафетасын қабылдай отырып, қазақ және әлемнің әр түкпірінен тарихшы ғалымдарды жинап, қасиетті Атырау жерінде, Орта ғасырдағы ұлы империяның мұрасын талқылау және пайымдау үшін жиналдық», – деді ҚР Президенті Әкімшілігі Басшысының бірінші орынбасары Дәурен Абаев «Ұлы ұлыс — Алтын Орда» халықаралық конференциясында сөйлеген сөзінде.
![Дәурен Абаев: “Атырау өңірі – Алтын Орданың тарихи мұрасын зерттеу ісінде маңызды орталық” 2 74b3dd38 f1c1 4143 8ce8 ed471d613f8b](https://atr.kz/wp-content/uploads/2021/10/74b3dd38-f1c1-4143-8ce8-ed471d613f8b-1024x682.jpeg)
Оның айтуынша, Атырау-жай ғана мұнай астанасы емес, ол біздің ұлан-байтақ Отанымыздың Батыс шебі, ел тарихына орасан зор үлес қосқан даңқты батырларды халыққа сыйлаған жер. Атырау Алтын Орда мұрасын зерттеудің негізгі орталықтарының біріне айналуға тиіс.