Бүгін — Дүниежүзілік балалар күні
Биыл Қазақстан БҰҰ-ның Бала құқықтары туралы Конвенциясын ратификациялаудың 30 жылдығын атап өтуде. 30 жыл ішінде еліміз балаларды қорғау мен олардың әл-ауқатын қамтамасыз етуде үлкен жолдан өтті. Бұл туралы республика Оқу-ағарту министрлігі хабарлады.
2006 жылы Балалардың құқықтарын қорғау комитеті құрылды.
2016 жылы Қазақстан Республикасында Бала құқықтары жөніндегі Уәкіл институты енгізілді.
Әр аймақта бала өкілдіктері институты құрылды, олардың құрамы жыл сайын мектеп белсенділерінен жасақталады.
Мемлекет басшысының тапсырмасы бойынша ұлттық мониторинг — балалардың әл-ауқатының индексі енгізілді.
2023 жылғы желтоқсанда Қазақстан Бала құқықтары туралы конвенцияға Факультативтік хаттаманы ратификациялады. Биыл Бала құқықтары жөніндегі өңірлік уәкіл мәртебесі заң жүзінде бекітілді.
Айта кетейік, республиканың барлық стратегиялық құжаттарында балалар басты игілік алушылар болып саналады.
