Батырғали Әбілмансұр – Олимпиада жүлдегері (+ФОТО)

Бүгін Аргентина астанасы Буэнос-Айрестегі жасөспірімдер Олимпиадасы мәресіне жетті. Атыраулық каратеші Әбілмансұр Батырғали қола жүлдегер атанды.

68 келіге дейінгі салмақта сынға түскен Әбілмансұр алғашқы айналымда аргентиналық Хуан Мартинесті айқын басымдықпен жеңді. Екінші кездесуінде біздің спортшы жапондық Котаро Накамураға айла қалдырмады. Үшінші жекпе-жекте марокколық спортшыны жолдан тайдырған Әбілмансұр жартылай финалға жолдама алды.

Финал жолдамасына таласта Ә. Батырғали бельгиялық Квенти Махаудинмен кездесіп, тартысты кездесуде 3:1 есебімен ұтылып қалды. Осылайша, Олимпиада ойындарында ел намысын қорғаған жалғыз қазақстандық каратеші қола медальға қол жеткізіп отыр.
#atyrausport #атырауспорт

Мұратбек ЖАҢАБАЙ