Басқарма басшысының орынбасары тағайындалды

Атырау облысы Энергетика және тұрғын үй-коммуналдық шаруашылық басқармасы басшысының орынбасары лауазымына Сырымбет Кенжебаев тағайындалды.

Аталған басқарманың ресми өкілдерінің хабарлауынша, Сырымбет Какимұлы 1992 жылы Махамбет ауданы, Сарытоғай ауылында дүниеге келген. Ол – Қазақстан инновациялық және телекоммуникалық жүйелер университеті түлегі.

Мемлекеттік қызметтегі еңбек жолын 2014 жылы Махамбет ауданынан бастаған. 2023 жылдан бастап Махамбет аудандық тұрғын үй-коммуналдық шаруашылығы, жолаушылар көлігі және автомобиль жолдары мемлекеттік мекемесінің басшысы қызметін атқарған.