Атыраулық жастар АЭС тақырыбын дебатта талқылады

Өңір жастарының арасында «Жастар рухы» ЖҚ Атырау облыстық филиалының ұйымдастыруымен «Қазақстанда АЭС салу қажеттілігі» тақырыбында облыстық дебат турнирі өтті.

Екі қарсылас команда тақырып бойынша бірі жақтаушы, екіншісі қарсы болушы жақ ретінде өз ойларын дәлелдеп келтіру арқылы тақырыптарын қорғап шықты.
Дебаттың мақсаты АЭС салу туралы референдум өткізу қажеттілігін, артықшылықтары мен кемшіліктерін талқылау болды. Мұнда қоғамның пікірін анықтау, ақпараттарды сараптау, экологиялық, экономикалық, және қауіпсіздік аспектілерін талқылау бағыттары жан-жақты қозғалды.