Атырауда салалық журналистика мәселелерін талқылауға арналған республикалық семинар басталды

Х.Досмұхамедов атындағы Атырау университетінде Мәдениет және ақпарат министрлігінің қолдауымен “Мұнай-газ, экологиялық бағыттардағы салалық журналистиканың ерекшеліктері” тақырыбындағы республикалық семинар өз жұмысын бастады. Маңызды іс-шараға жергілікті БАҚ өкілдерімен қатар, болашақ журналистер де қатысып, ой-пікірлерін ортаға салды.

Мәдениет және ақпарат министрлігі БАҚ саласындағы мемлекеттік саясат департаментінің директоры Қайнар Ахметовтың айтуынша, елімізде 6 мыңдай БАҚ тіркелген болса, олардың 90 пайызы жеке ұйымдар болып табылады. Министрлік өкілі өз баяндамасында биыл қабылданған Масс-медиа туралы заңның негізгі ережелерін түсіндірді. Әсіресе, мемлекеттік органдардың журналистердің сауалына жауап беруі, төтенше жағдай кезінде жедел мәлімет ұсыну мәселелері кеңінен қамтылды.

Сондай-ақ, белгілі журналист Әбілхан Төлеуішов журналистердің мәртебесі әлі күнге анықталмаған атап айтты.
Ал, “Ембімұнайгаз” АҚ қоғаммен байланыс тобының жетекшісі Ғалия Қаражанова баспасөз қызметінің жаңа тенденциялары туралы баяндады.

Айбөпе САБЫРОВА